Policia i bën “shoshë” me plumba, pas protestave tek arbitri (Video)

Argjentina është një vend ku futbolli është i prekur zakonisht nga dhuna. Rastet e fundit kanë bërë që edhe policia të marrë masa më të rrepta për të siguruar mbarëvajtje e futbollit. Edhe pse një ndeshje e ligës amatore, ajo ka qenë një finale dhe mjaft e ndezur me shumë tifozë të pranishëm në stadium.Pas ndeshjes, Atletico Defensores-Las Parejas, e fituar nga vendasit me rezultatin 2-0 lojtarët e ekipit mik u ankuan tek arbitri për mbarëvajtjen e ndeshjes. Situata dukeshe kaotike pasi në fushë kanë zbritur shumë tifozë që po festonin fitoren dhe policia ka vendosur të ndërhyjë menjëherë për ti dalë në mbrojtje arbitrit.Siç raportohet në mjetet argjentinase, policia përdori plumba gome për të larguar turmën e lojtarëve dhe tifozëve që po protestonin tek arbitri. Zyrtarët e Las Parejas kanë deklaruar se janë dhunuar nga policia pa arsye, pasi protesta që ata po bënin tek arbitri ishte paqësore. Ndërsa nga sulmi me plumba gome kanë mbetur të plagosur shumë lojtarë të cilët u transferuan menjëherë në spital. Njëri nga lojtarët ka marrë një dëmtim të rëndë në sy dhe një tjetër ka marrë në trup rreth 15 plumba në trup.