Një pjesë e skuadrës së Kukësit është ndaluar dje në mbrëmje në Vjenë. Mësohet se arsyeja e ndalimit është dyshimi për trukimin e ndeshjes, ndërsa lojtarët janë marrë në pyetje për orë të tëra.
Veç trajnerit Gjoka, të shoqëruarit në polici janë portierët Enea Koliçi dhe Ervis Koci dhe lojtarët Ylli Shameti, Albert Serran, Rustem Hoxha, Hair Zeqiri dhe Simon Rrumbullaku.
Mësohet se lojtarët kanë qëndruar për më shumë se tri orë në komisarisat dhe një pjesë e tyre janë lënë të lirë rreth orës 00:45.
Situata e djeshme ka krijuar shqetësim dhe panik në ambientet e klubit kampion në fuqi të Shqipërisë dhe ka vënë në siklet të madh edhe futbollistët para ndeshjes së Champions-it kundër Sherif Tiraspolit më 12 korrik.
