Një 57-vjeçare në Durrës është vënë në pranga, pasi ka kanosur me armë fqinjën e saj. Shtetasja me inicialet N. P., 57 vjeçe, banuese në Hamallaj, Durrës, dje ka kanosur me armë zjarri, për motive të dobëta shtetasen A. K., 29 vjeçe, banuese në Tiranë.
Pas kontrollit të ushtruar nga ana e policisë në një shtëpi të braktisur, disa metra larg banesës së 57-vjeçares u gjetën dhe u sekuestruan në cilësinë e provës materiale një armë zjarri pushkë dhe 27 fishekë.
Materialet hetimore i kaluan Prokurorisë së Rrethit Gjyqësor Durrës, për veprat penale “Kanosja” dhe “Armëmbajtja pa leje”, për të cilën parashikohet dënimi me burg deri në 7 vjet.
Njoftimi
Durrës
Kanosi me armë zjarri fqinjën e saj, arrestohet në flagrancë një 57-vjeçare.
Sekuestrohen në cilësinë e provës materiale një armë zjarri pushkë dhe municion luftarak.
Specialistët për Hetimin e Krimeve në Komisariatin e Policisë Durrës arrestuan në flagrancë shtetasen N. P., 57 vjeçe, banuese në Hamallaj, Durrës.
Kjo shtetase, më datë 14.05.2020, në Hamallaj, Durrës, ka kanosur me armë zjarri, për motive të dobëta, shtetasen A. K., 29 vjeçe, banuese në Tiranë.
Pas kontrollit të ushtruar nga shërbimet e Policisë në një shtëpi të braktisur, disa metra larg banesës së shtetases N. P., u gjetën dhe u sekuestruan në cilësinë e provës materiale një armë zjarri pushkë dhe 27 fishekë.
Materialet i kaluan Prokurorisë së Rrethit Gjyqësor Durrës, për veprat penale “Kanosja” dhe “Armëmbajtja pa leje”, për të cilën parashikohet dënimi me burgim deri në 7 vjet.
