Mbrëmjen e sotme në Gjirokastër është vetëplagosur një efektiv policie me armë zjarri në banesën e tij.
Ngjarja ka ndodhur në lagjen “18 Shtatori, ndërsa ‘BalkanWeb’ mëson se polici i plagosur është Sotiraq Aliko, 58 vjeç me detyrë në stacionin policor kufitar të Sopikut.
Nuk dihen ende shkaqet dhe motivet e vetëplagosjes së policit. Ai është transportuar në spital dhe ndodhet në gjendje të rëndë.
Në vendngjarje ka shkuar grupi hetimor ku po punon për zbardhjen e plotë të rrethanave të ngjarjes
Njoftimi i policisë:
Rreth orës 21:30, në banesën e tij, në lagjen “18 Shtatori”, Gjirokastër, punonjësi i policisë së DRKM Gjirokastër, S.A, 58 vjeç, është vetë plagosur me armë zjarri.
Menjëherë është shoqëruar për në spitalin rajonal Gjirokastër për ndihmê mjekesore ku ndodhet në gjendje të rëndë për jetën. Në vendngjarje ka shkuar grupi hetimor ku po punon për zbardhjen e plotë të rrethanave të ngjarjes.
