Pas akuzave për ngacmim ndaj një të mitureje, policia është vënë në kërkim të denoncueses së Berhan Bajrakurtit. Burime të ‘Faxëwb.al’, bëjnë me dije se vetë inspektori Bajrakurti e ka pranuar ekzistencën e videos, ndërsa thotë se nuk ka ngacmuar njeri, po ka pasur një lidhje jashtëmartesore.
‘’Videon e kam bërë unë, kam pasur një lidhje tjetër, nuk kam ngacmuar asnjënjeri, aq më pak një minorene”, është shprehur Bajrakurti përpara policisë.
Ndërkohë që po për të njëjtin person ka pasur denoncime edhe nga deputeti i PD-së, Ervin Salianji, i cili thotë se Bajrakurti është pushuar nga puna për të njëjtën shkak, që është ngacmimi ndaj të miturave.
Një ditë pas arrestimit të efektivit të policisë Berhan Bajrakurti, i dyshuar se përndiqte dhe i bënte shantazh një 15-vjeçareje, Ministri i Brendshëm, Sandër Lleshaj zhvilloi një takim me drejtuesit vendorë të policisë në Malësinë e Madhe.
Ministri tha se ndonëse specialisti i njësisë Gruemirë u arrestua, për të nuk ka një denoncim.
