Gazetari Poli Hoxha është shprehur se sipas tij banda më e egër në historinë e vendit ka qenë ajo e Lushnjës.
I ftuar në emisionin “Opinion” në Klan Tv, gazetari deklaroi se kjo bandë ishte e më e sofistikuar se të tjerat dhe se kishte e para lidhje me politikën. Ndërsa sa i përket “personazhit” më të egër ai zgjodhi Gaz Muçën i cili njihej ndryshe si “kapo” i Rrugës Bardhyl.
“Pas ‘99-2000 ka filluar konsolidimi i bandave. Nëse e ndajmë në këtë fashë që i vura unë, për mua më e sofistikuara dhe më e egra ka qenë Banda e Lushnjës. Një hap shumë përpara këtyre, më lidhje politike, më ndikim në qytet. Pastaj si personazh, si legjendë ngelet Gaz Muça se ishte i pari. Dilte me atë kalin e tij, në stadiumin e Barit bëri rregull. Vetëm seriali i Tropojës e konkurron po ta marrësh për vrasje. Deri në 2010 me vrasjen e Franc Konomit, një hakmarrje që u bë legjendare. Edhe që them se do vazhdojë”, tha ai.
