Në orët e para të ditës, një bombol gazi ka shpërthyer në qytetin e Pogradecit, ku ka mbetur i plagosur pronari.
Rreth orës 06:00 të mëngjesit të sotëm, në aksin rrugor Pogradec-Drilon, një banesë dy katëshe ka shpërthyer në flakë. Raportohet se i zoti i shtëpisë është munduar të ndezë diçka në kuzhinë, por sipas forcave zjarrfikëse, ambienti ka qenë i mbushur nga gazi, i cili më pas ka provokuar edhe flakët.
I plagosuri është nën kujdesin e bluzave të bardha, ndërsa llogariten dëme të shumta materiale në katin e parë të godinës.
