Dy kamikazë kanë hedhur veten në erë pranë ambienteve të ambasadës së SHBA-vë, në kryeqytetin tunizian, Tunis.
Mediat e huaja raportojnë se si pasojë e shpërthimit ka humbur jetën një polic dhe janë plagosur 6 persona të tjerë.
“Ne dëgjuam një shpërthim shumë të fuqishëm. Ne pamë pjesët e ndara të një terroristi të shtrira në tokë”, tha një shitëse dyqani, për agjencinë e lajmeve Reuters.
Bëhet me dije se dy kamikazët kanë qenë duke udhëtuar me motor, në momentin kur janë hedhur në erë. Shpërthimi dëmtoi makinën e policisë që po i ndiqte, duke i marrë jetën edhe njërit prej efektivëve.
Në fotografitë e publikuara në rrjete sociale shihen automjete të dëmtuara në ambientet e jashtme të ambasadës.
