Kryetari i Partisë Demokratike, Sali Berisha, ka zhvilluar një bashkëbisedim me banorë të zonës së Libohovës në Gjirokastër. Berisha ka kritikuar qeverinë dhe u ka bërë thirrje të rinjve, që të marrin në dorë fatin e vendit. Kryedemokrati pohoi gjatë një takimi me banorë të Libohovës, se të rinjtë duhet t’i dalin për Zot vendit dhe të bëhen pjesë e protestave të fuqishme.
“Katet pa leje si sheh ai, se ka fitimet e tij, dhe ka marrë dy satelitët të gjejë ndërtimet pa leje (Rama). Ka kohë për çdo shqiptar që t’i dalë Zot vendit. Po shohim se si po tretemi, se si po na ikën e ardhmja.
Do e nis nga të rinjtë. Në këtë betejë, ju bëj thirrje të dilni në krye të përpjekjes, qoftë për një fushatë model, qoftë për protesta të fuqishme.
Kemi detyrim të madh ndaj njëri-tjetrit, ndaj trashëgimisë sonë atdhetare, që të ndalojmë rrokullisjen e madhe”, përfundoi Berisha.
