Është zbardhur dëshmia e prokurorit Arjan Ndoj, e dhënë pas atentatit që u krye ndaj tij në afërsi të mbikalimit të Shkozetit pasditen e djeshme. Ai ka treguar se me Muharremin është takuar rastësisht në një restorant, dhe më pas është nisur me mjetin e tij në drejtim të Tiranës.
“Kam qenë duke drekuar në një restorant. Erdhi Muharremi dhe një tjetër, e u ulën. Më pas u nisëm drejt Tiranës. Isha ulur në vendin e parë të makinës, ndërsa Maloku në drejtim të makinës.
Muharremi pas. Po të donin, më vrisnin kudo. Mua mund të më vrisnin në derën e shtëpisë, në Prokurori. Nuk kishte se pse të qëllohesha në autostradë. Nuk pikasëm ndonjë gjë të dyshimtë, deri në momentin që jam qëlluar. Gjithçka ndodhi shumë shpejt”, është shprehur ai.
Grupi hetimor ka marrë pamjet e një sërë kamerash sigurie, të cilat po analizohen për të mundësuar shfaqjen e mjetit me të cilin autorët mund të kenë ndjekur veprimet e prokurorit Ndoja.
