Është zbardhur dëshmia e adoleshentit nga Durrësi, i cili qëlloi për vdekje 16-vjeçarin, Anxhelo Gjokazaj.
Ai është marrë në pyetje në ambientet e Komisariatit të Policisë Durrës, ku ka dhënë detaje lidhur me rrethanat e ngjarjes.
Adoleshenti i ndaluar për vrasjen është 17-vjeçari, Devi Lala që tregoi se grindja me viktimën ka ndodhur pasi kanë dalë nga mësimi dhe për një arsye krejt banale.
”U ktheva në lagje, aty ku rri gjithnjë. Aty u hasa me Anxhelon. Po më shikonte. Pse më shikon i thashë, ka ndonjë gjë për të parë?!
Ai më ofendoi, më shau. I thashë, pusho se do ta pësosh keq, ai vazhdonte të më shante. Edhe unë nisa ta shaja dhe u përleshëm fizikisht. Në një moment nxora thikën dhe e qëllova disa herë.
Nuk më kujtohet se sa herë i qëllova, pasi isha në gjaknxehtësi e sipër. Por, pashë që mbeti i shtrirë në tokë dhe u mbulua nga gjaku. Në këtë moment u tremba dhe u largova.
Pak metra më tej hodha thikën në një kanal. Nuk kishim ndonjë konflikt, thjesht antipati për njëri-tjetrin”, mësohet se ka thënë Devi gjatë dëshmisë së tij në polici.
