Një ngjarje e rëndë ka ndodhur në Pogradec, ku dy punonjës të Ujësjellësit janë plagosur teksa po punonin për riparimin e një pompe uji.
Ngjarja ka ndodhur në fshatin Tushemisht, ku dy punonjësit, konkretisht shtetasit I.K., rreth 58 vjeç, banues në Pogradec dhe D.K., rreth 38 vjeç, banues në fshatin Memelisht, dyshohet se kanë rënë në kontakt me energjinë elektrike duke punuar tek pompa e ujit.
Si pasojë, punonjësit kanë pësuar djegie në pjesë të ndryshme të trupit. Pas ndihmës së marrë në Spitalin e Pogradecit këta të fundit u nisën në Tiranë, për një mjekim më të specializuar ku ndodhen jashtë rrezikut për jetën.
NJOFTIMI I POLICISË:
Pogradec-Informacion paraprak
Më datë 05.09.2017, jemi njoftuar se në fshatin Tushemisht, dy punonjës të Ujësjellësit Pogradec, konkretisht shtetasit I.K, rreth 58 vjeç, banues në Pogradec dhe D.K, rreth 38 vjeç, banues në fshatin Memelisht, duke punuar tek pompa e ujit, dyshohet se aksidentalisht kanë rënë në kontakt me energjinë elektrike. Për pasojë këta shtetas, kanë pësuar djegie në pjesë të ndryshme të trupit. Pas ndihmës së marrë në Spitalin e Pogradecit këta të fundit u nisën në Tiranë, për një mjekim më të specializuar ku ndodhen jashtë rrezikut për jetën.Grupi hetimor po punon për zbardhjen e rrethanave të ngjarjes.
