Kryedemokrati Basha, i mëshon fort faktit se audio-përgjimi i Agron Xhafajt është i vërtetë. Ai mendon se pavarësisht tentativave për të manipuluar, mazhoranca do të dështojë.
Në një bashkëbisedim me gazetarët, Basha u shpreh se Prokuroria nuk ka asnjë fakt për të dyshuar manipulimin e videos.
Kreu i opozitës, renditi gjithashtu shkeljet e bëra nga Prokuroria për hetimin e rastit në fjalë. “Regjistrimi është i vërtetë, zëri është i Agron Xhafajt, sado t’i manipulojnë hetimet, nuk do ia dalin dot. Prokuroria ka çuar në Angli një kopje të marrë nga mediat, dhe jo materialin bruto. Ky është veprim i qëllimshëm që ekspertiza ta ketë të vështirë ta gjejë.
Prokuroria nuk ka asnjë fakt për të dyshuar manipulimin. Prokuroria ka bërë hetim për Agron Xhafajt pa marrë në pyetje Agron Xhafajn.
Nuk ka marrë kamerat e lokalit ku ka ndodhur takimi”, u shpreh Basha.
“Po pres të shoh sa do të zhyten në këtë histori, policia, Prokuroria dhe Edi Rama”, deklaroi ai.
