Fermerët e Lushnjës kanë bllokuar rrugën Fier-Lushnje, teksa protestojnë duke kundërshtuar ndryshimin e rimbursimit të TVSH-së për agro-përpunuesit.
Kompanitë kanë nisur një bojkot 2 ditor, pasi nuk do të furnizojnë tregun me prodhime të freskëta qumështi.
Vendimi vjen në mungesë të një zgjidhjeje të një zgjidhjeje nga Ministrisa e Financave dhe Ekonomisë, teksa nga 1 janari TVSh e rimbursueshme u ul nga 20 në 6%. Kjo masë u kundërshtua fort nga agroindustria dhe duke filluar nga dita e djeshme, që pritet të vijojë edhe sot grumbulluesit dhe agropërpunuesit e Lushnjës, Beratit, Divjakës, Kuçovës, Gjirokastrës, Shkodrës e rretheve të tjera të vendit kanë ndërprerë grumbullimin e qumështit.
Protestuesit kanë dalë në rrugë pranë Rotondos në qytetin e Lushnjës, ndërsa shprehen se ky vendim po i falimenton punën e tyre.
Njësoj si në protestën e para pak ditëve, fermerët hodhën në autostradë prodhimet e tyre në shenjë proteste për mos-subvencionimin e TVSH.
“Po na detyrojnë të ikim nga Shqipëria. Ne po falimentojmë totalisht, ku është qeveria? S’ka qeveri këtu”, tha një nga protestuesit.
