Modelja Emina Çunmulaj njihet si një person shumë pozitiv, modeste, e qetë dhe sportive. Por, duket se diçka ia ka sjellë asaj në majë të hundës, duke e bërë që të revoltohet dhe të mendojë seriozisht mbylljen e Instagramit.
Është pikërisht një koment negativ ndaj dy vajzave të saj ajo që e ka irrituar modelen e njohur, duke bërë që ajo të reagojë.
Në disa video të postuara në Instastory, Emina shpjegon arsyet përse njerëz të tillë e bëjnë të mendojë të mbyllë Instagram, ndërsa shpreh keqardhje që ka njerëz negative që u mungon lumturia dhe nxjerrin vrer për të tjerët.
“Unë jam e çmendur dhe shumë protektive kur vjen puna tek komentet për fëmijët e mi. Ti që fshihesh pas një profili fals dhe shkruan për vajzat e mia dhe mendon se ke të drejtë të thuash diçka të keqe për to, për të vërtetuar se je një njeri i mirë. Nëse do e dija si dukesh, do të nxija jetën para 1 milionë njerëzve. Nuk më intereson sa i madh apo i vogël je. Sado që dua të të uroj të vuash, më vjen keq për ty, sepse fakti që nuk e ndjen lumturinë që unë provoj çdo ditë të bën njeriun e keq që je”,-është një pjesë e fjalëve që Emina ka thënë.