Top Channel dje i dha fund gjithë aludimeve duke publikuar promon e reality show “Big Brother VIP”. Kjo video u publikua edhe nga vetë Arbana, e cila krah postimit shkroi: “Më shpejt se ç’e prisni”.
Kjo promo nuk u prit aspak mirë nga shumë ndjekës, për faktin se në të ishte vendosur edhe momenti kur Fifit i ra të fikët në shtëpinë e “Big Brother VIP”, ndërkohë që ka reaguar ashpër edhe vetë këngëtarja,
“Në atë shtëpi, unë kam qeshur, kam luajtur, kam kënduar, kam vjedhur aparatet e kafeve, i kam lënë pa kafe, madje i kam trembur njerëzit edhe me punën e shkopit. Përveç këtyre, unë edhe kam shkruar brenda dhe ajo këngë është himn sot. Besoj e dini cila këngë është.
Pse vazhdoni me nxjerr gjëra që të më nxirrni mua keq? A kaq shumë jeni kënaqur që Fifi po del keq në publik dhe me ja ul pikët si njeri, si artiste apo si imazh? Mos me e lën me qenë e lumtur? Faleminderit shumë Top Channel! Shumë faleminderit për cdo gje. Faleminderit që po ma shkatërroni jetën dhe po keni qejf me vazhdu me ma shkatërru jetën”, u shpreh Fifi në rrjetet sociale.
