Dy persona janë arrestuar nga uniformat blu ditën e sotme, pasi akuzohen se kanë vjedhur 60 mijë lekë (të reja) një personi.
Sipas policisë, S.K. po luante me fëmijët në një park lojrash, kur dy persona i vjedhin nga çanta 60 mijë lekë. Për pasojë, në pranga përfunduan E.C. dhe P.D., të dy banues në Lezhë, ku iu është marrë edhe një pjesë e shumës monetare të vjedhur.
“Policia vë në pranga dy shtetas si autorë të vjedhjes monetare prej 60.000 lekë ( të reja) një shtetasi
Të arrestuarit me preçedentë të mëparshëm në fushën e vjedhjes. Specialistët për Krimet, në Komisariatin e Policisë Lezhë, identifikuan dhe arrestuan në flagrancë shtetasit E.C. dhe P.D. banues në Lezhë për veprën penale ” Vjedhja’ kryer në bashkëpunim”Këta dy shtetas, në bashkëpunim me njëri tjetrin, i kanë vjedhur shtetasit S.K. shumën monetare prej 60.000 lekë të reja të cilat i kishte lënë në çantë kur po luante me fëmijët në park.
Në cilësinë e provës materiale, dy shtetasve të arrestuar iu gjetën dhe sekuestruan një pjesë e shumës monetare të vjedhur. Materialet procedurale ju referuan Prokurorisë së Rrethit Gjyqësor Lezhë për veprime të mëtejshme”, thuhet në njoftimin e Policisë.
