Kryeministri Edi Rama ka deklaruar se sezonin e ardhshëm plazhet do të çlirohen nga zaptuesit, ku theksoi se vitin tjetër plazhet kalojnë në administrimin e shtetit, duke ua hequr kështu bashkive.
Me anë të një statusi në “Facebook”, Rama shkruan se vazhdon pa pushim lufta për çlirimin e hapësirave nëpër plazhe, ndërsa sipas tij ky sezon do të jetë i fundit me këtë hall të madh për njerëzit dhe turp të madh për vendin e për shoqërinë.
“Vazhdon papushim lufta për çlirimin e plazheve nga zaptuesit, falë edhe qytetarëve që nuk heshtin. Ky sezon do të jetë i fundit me këtë hall të madh për njerëzit dhe turp të madh për vendin e për shoqërinë.
Me ligjin e ri për vijën bregdetare, përgjegjësinë për mbrojtjen e kësaj pasurie publike, të pushuesve e të bizneseve të rregullta, pa miq nëpër bashki e pa lekë për zyrtarucët bashkiakë, do ta marrë shteti” shkruan Rama.
