Një ngjarje tronditëse ka ndodhur në Afrikën e Jugut, ku një person i armatosur ka vrarë pa më të voglën mëshirë 11 persona, e ndërsa 4 të tjerë janë të gjendje kritike.
Ky rast tronditës është shënuar në Johannesburg, ku mësohet se një person i armatosur është futur në një minibus në vendparkimin e taksive, dhe ka vrarë me armë zjarri 11 persona.
Lidhur me këtë rast shokues, zëdhënësi i policisë Jay Naicker, tha se ngjarja ka ndodhur mbrëmjen e së shtunës, ndërsa personat në këtë minibus po ktheheshin nga varrimi i një kolegu.
Mediat e huaja shkruajnë më tej se policia po heton motivet e mundshme.
