Një aksident i rëndë është regjistruar ditën e sotme në aksin Memaliaj-Krahës, teksa 2 persona kanë humbur jetën.
Mësohet se dy viktimat (një burrë dhe një grua) ishin mësues dhe ishin duke u kthyer nga puna, në momentin kur makina e tyre ka dalë nga rruga dhe është përmbysur në një kanal kullues.
Makina i ka zënë ata poshtë duke u marrë jetën. Raportohet se kanë qenë 4 mësues në makinë, por dy prej tyre kanë mundur të dalin.
Memaliaj/ Informacion paraprak.
Në rrugën nacionale Memaliaj-Krahës, në vendin e quajtur “Mogila”, një automjet tip Benz ka dale nga rruga dhe është përmbysur.
Si pasojë kanë humbur jetën drejtuesi i mjetit dhe pasagjeri që ndodhej në mjet.
Në vendngjarje shkoi grupi hetimor dhe po punon për zbardhjen e shkaqeve të aksidentit.
