Policia duket se ka zbardhur ngjarjen që ka ndodhur gjatë natës tek mbikalimi i ‘Qafë-Kasharit’, ky dy të rinj kanë mbetur të plagosur.
Të rinjtë e plagosur me armë zjarri; Enis Sanxhaku 20-vjeç dhe Noa Mato 19-vjeç kanë qenë duke u kthyer nga kalçeto, ku si pasojë e një manovre të gabuar në rrugë janë konfliktuar me dy drejtues mjetesh.
Konflikti ka agravuar më tej, dhe njëri prej tyre ka përdorur dhe armë zjarri. Mësohet se dy të rinjtë e plagosur, nuk kanë precedentë të mëparshme penale.
Nga dëshmia e parë e dhënë nga spitali, të rinjtë kanë thënë se konflikti ka çuar deri në përdorimin e armëve. Pas plagosjes, dy të rinjtë 20 dhe 19-vjeç kanë mbërritur në Spitalin e Traumës me makinën e tyre, ku po marrin ndihmën mjekësore dhe ndodhen jashtë rrezikut për jetën.
