Koreja e Veriut ka konfirmuar se nuk ka asnjë rast me koronavirus në vend.
Mirëpo ekspertët mezi e besojnë këtë informacion zyrtar.
Koreja e Veriut kufizohet nga Kina dhe Koreja e Jugut, dy nga vendet më të goditura në botë nga COVID-19 dhe nisur nga ky fakt, ekspertëve iu duket pothuajse e pamundur që Koreja e Veriut të mos jetë e prekur nga virusi i cili po tremb mbarë njerëzimin.
“Është e pamundur që Koreja e Veriut të mos ketë një rast të vetëm të koronavirusit”, tha Jung H. Pak, një ish-analist i CIA në Korenë e Veriut, për “Fox News”.
Kujtojmë se koronavirusi është shndërruar prej muajsh tashmë në armikun kryesor të njerëzimit.
Kina, Italia, Irani, Spanja janë disa nga vendet që kanë pasur humbjet më të shumta në njerëz nga virusi i rrezikshëm në fjalë.
