E premte, 3 Dhjetor, 2021
13.5 C
Tirana

Po jetojmë nën regjimin e kryeministrit me atlete

Nga Artur Zheji/Na përuroi teatrin e ri, që ngjan me një “vatër kulture” dhe shpalli që aty, ay, Km-ja, shkatërrimin fizik të Teatrit Popullor apo Kombëtar, me tagrat e plota të një gjenerali madhor, që komandon shtetin ushtri dhe ministrat rreshterë…

Pa ndërruar këpucët e lehta bardh e zi, morri rreshterët ministra e i rreshtoi në pritje të kryeministrit malazez, me një protokoll të denjë për ginnesin e vendeve më mjerane të globit.

Mirëpo më parë na kishte nxjerrë në Fb, projektin e rrugës së re të Thumanës e kush e mban mend çfarë tjetër, në bindje të plotë që do të shumëfishohet nga mediat e papuna, që u japin jehonë çdo fjale apo edhe gazrave të Km-së…

Më thoni ku tjetër ndodh kështu? Apo ky është një konsum për katundarët e Shqipërisë, që mallohen shpejt për beun e tyre, që po krijon idenë, përmes bombardimit mediatik, se ay, ndërtimtari po na dhuron nga xhepi i vet të gjithë këto të mira…

Po na ndërton ay, KM-ja thiatro, rrugë, ura, shkolla e spitale, ay dhe partia, por si dhe thoshte Majakovski mavria, poeti i Revolucionit Bolshevik rus, 100 vite më parë dhe para se sa te vriste veten: “Kur themi partia nënkuptojmë Lenini dhe kur themi Lenini, nënkuptojmë partia”.

Pra dhe ndër ne sot, në kapitalizmin sallaturinë të ish komunistëve shqiptarë, tashmë pronarë dhe bejlerë, “kur themi Ps-ja, nënkuptojmë KM-ja dhe anasjelltas”…

Çfarë mjerimi!

Sepse mediat tona, të blera ose në shitje, nuk dinë apo nuk duan, apo nuk munden të bëjnë gjë tjetër, veçse të ndjekin “vazhdën plot shkumë” të veprimeve të tij të përditshme rutinë.

Vetëm kur Km-ja, humbet në ndonjë udhëtim të gjatë pune e qejfi, sidomos në USA, krijohet një farë qetësie relative, por që mbushet me jehonën që iku, apo me jehonën që do të vijë nga përtej Oqeanit.

Lajmet e trishta apo misterioze, që janë shpeshtuar shumë, treten shpejt si kripa në ujë dhe qindra lajme të tjera, që rrëfejnë natyrën e vërtetë të së përditshme shqiptare, ose nuk dalin në krye, ose skartohen ose nuk ndiqen më…

Kontrolli i plotë mediatik që fsheh çdo ditë fakte, një Opozitë me pushime të gjata verore, një amulli ëeekend-esh, kohë plazhi dhe sufllaqesh…

Shtet pa një Gjykatë Kushtetuese. Një Reformë në Drejtësi, e filluar si një reformë rrënjësore, përfundoi si ato sallaturinat e dyshimta të qebaptoreve të lagjeve, që shesin qoftet me mish brazili shumëvjeçar, si qoftë Korçe apo Gjakove…

Pastaj dalin dhe i bien me porosi capak gazetarëve dhe opinionistëve, që mundohen të mbajnë kryet mbi llumin e kënetës.

Por në inaugurimin e ArtTurbinës, një emërtim i tmerrshëm sovjetik, të këpusnin shpirtin disa “balerinë” qyqarë që luanin dekorin, apo ndonjë këngëtor që këndonte mjerançe, për ti krijuar atmosferë KM-së dhe për ti dhënë një jetë të shtirur kësaj vatre kulture sovjetike, ku do fliste KM-ja dhe vetëm ay…

Për artin, për mediat, për politikën, për rrugën dhe urat, për legalizimet, për maskarallëqet e kundërshtarit, për pafajësinë e fajtorëve, për fajësinë e të pafajshme, për Shqipërinë, Francën, Gjermaninë e gjermanët, për pajdhaqet dhe krudot, për Malin e Zi dhe për Malin e bardhë, për vdekjen dhe jetën, për rilindjen dhe shëndetësinë, për dobinë e koncesioneve, për zero taksimin e hoteleve me 5 yje të shampanjës dhe të kurvave që nuk taksohen, për Bulqizën dhe minatorët që nuk kanë qumësht, për kazanet, tepsitë, kusitë ku gatuan çorbën e oligarkëve, për timonin dhe timonierin…

E varja, kush ja përmend të gjitha diaretë dhe logoretë, që artikulon KM-ja, i kudondodhur e që dukshëm vuan nga një vetmi dhe nga një ankth i thellë, rrethuar nga peshkaqenë dhe qenër që e shohin çdo moment nga duart, që tju firmosë ndonjë llokëm.

Plotë frikë të arsyeshme që llokmaxhinjtë, mund edhe ta hanë edhe atë vetë më gjithë lecka, nëse nuk është syhapur KM-ja, natë e ditë dhe ditë e natë derëziu.

Mos duhet të na dhimbet vallë?

Ku i dihet, të jemi kaq të qytetëruar ne katundarët e Shqipnisë?

Ta shohim çdo ndodhë kur të bjerë nga kali, se si do të sillen me të rreshterët, qenat dhe peshkaqenat që e rrethojnë dhe që thuhet se e kanë marrë peng me kohë…

Nuk duhet të jesh Profet ta parashikosh: Peshkaqenët, vetëm pëshkaqenërisht dinë të sillen apo jo? (360 gradë)

- Reklama -

Më shumë nga kategoria




Të fundit

Bora dhe Semi do të “hakmerren” ndaj Donaldit në “Për’puthen Prime”

Puthjet e Donaldit me Beatrixin, kanë shkaktuar një bum komentesh në rrjet. Fansat janë ndarë në grupe, ndërsa ende nuk ka patur një reagim...

Sfida mes një intelektuali që kërkon të vërtetën dhe një politikani që gënjen

Nga: Andi Bushati Ka një aksiomë të mirënjohur që shpjegon përplasjen e një politikani me një intelektual në arenën publike: Sipas saj, i pari tenton...

S’donte të bënte vaksinën, italiani shkoi me krahun prej silikoni

Disa mund të akuzohen se po përpiqen t'i shmangen sistemit për të marrë një certifikatë vaksine, por mbase askush nuk është aq i shkathët...

S’ka më lavazhe e servise makinash poshtë pallateve!Veliaj tregon masat e reja

Kryebashkiaku i Tiranës, Erion Veliaj, gjatë një dëgjese të zhvilluar me ministren e Mjedisit dhe Turizmit, Mirela Kumbaro, dhe përfaqësues të institucioneve të përfshira...

Vrasja e ish-deputetit, Artan Hoxha nxjerr videon

Kristian Klemendit dhe Marjan Kolës, të dyshuar për vrasjen e Pashko Ujkës u është komunikuar arrestimi ditën e sotme. Edhe pse ata kanë mohuar...