Një ngjarje e rëndë është shënuar mbrëmjen e sotme në Sarandë, teksa një grua ka humbur jetën si pasojë e rënies në kontakt me energjinë elektrike.
Ngjarja ka ndodhur në zonën e quajtur “Lugu i Dardhës”, ndërsa viktimë ka mbetur një grua 75-vjeçare. E moshuara është identifikuar si Alie Nika, nga Memaliaj, e cila ka prekur një elektroshtëpiake që ka pasur elektricitet.
Policia ka shkuar menjëherë në vendngjarje. Nga hetimet rezultoi se gruaja po gatuante për darkë dhe energjia ka bërë masë. Mësohet se e moshuara jetonte vetëm, pasi fëmijët i kishte në emigracion.
