Aleandra dhe Iris të cilat janë shoqe të ngushta, u shprehën se janë të sigurta që “Për’puthen” nuk do e prishë shoqërinë e tyre, pasi kanë shije të ndryshme për djemtë. Por preferenca e njëjtë për një djalë ka shkaktuar edhe krisjen e miqësisë mes dy konkurrenteve të “Për’Puthen”. “Shkak” është bërë Petro.
Irisi i kërkoi llogari Petros se përse ka qenë mjaft i afruar me Lean në festën e “Top Media”-s. Madje Irisi tha se është mërzitur shumë kur pa mikeshën e saj të kërcente me Petron. Kujtojmë që Irisi ka shprehur pëlqim për Petron.
“Unë nuk kërceva me Mateon, se e di që është djali që ti pëlqen, ndërsa tregove të kundërtën”, theksoi ajo.
Mirëpo Lea menjëherë tha se me Petron kanë kërcyer thjesht si miq. Por këtu nuk përfundon e gjitha. Lea dhe Petro pranuan se kanë një pëlqim për njëri-tjetrin.
“Nëse ke pëlqim për mua, ma thuaj dhe të zgjedhë Petro pastaj kë do”, i tha Irisi.
Kjo situatë solli një atmosferë të papritur tek konkurrentët. Situata ka degraduar, saqë Aleandra e ka quajtur debile shoqen e saj.
“Po kam pas pëlqim për Petron. Jemi apo jo shoqe”, tha Irisi, ndër të tjera.
Ndërsa Aleandra teksa mundohej të fliste i drejtohet: “Po flas moj debile”.
