Gjykata e Vlorës dha vendimin ‘arrest me burg’ për autorin e masakrës së Selenicës, Ritvan Zykajn. Masa e sigurisë është dhënë pas më shumë se 2 orësh, pasi nuk po gjendej një avokat. Më shumë se 15 avokatë e refuzuan ta mbronin atë, por me ndërmjetësinë e kreut të gjykatës, u caktua avokati kryesisht, Renato Mehmetaj. Në fund gjykata e la në burg, deri në përfundim të hetimeve.
https://tiranatoday.com/masakra-gjykata-le-ne-burg-autorin-24-vjecar/
Seanca gjyqësore në ngarkim të tij u zhvillua nën masa të rrepta sigurie. 24-vjeçari nuk shfaqi pendesë për masakrën, ndërsa ironizoi me policët duke u thënë se u vonuan shumë për ta arrestuar. Sot, në sallën e gjyqit ai ka qëndruar i heshtur. Po kështu gazetarët e kanë pyetur monstrën e fshatit Resulaj, se përse e kreu krimin, përse vrau fëmijët, por 24-vjeçari nuk ka pranuar të flasë, ka qëndruar në heshtje duke i parë.
Me duart e lidhura para, i veshur me bluzë të bardhë, 24-vjeçari në heshtje nuk i ka ndarë sytë nga objektivi i kamerave që vijonin ta filmonin, pa thënë asnjë fjalë, as kur gazetarët e pyetën: Pse i vrave?
VIKTIMAT
1- Demir Zykaj, 75-vjeç (Vellai i gjyshit të autorit)
2- Ferie Zykaj, 72-vjeçe, (Gruaja e Demirit)
3- Besim Zykaj, 42-vjeç (Djali i Demirit)
4- Vasilika Zykaj, (Gruaja e Besimit)
5- Sara Zykaj, 17-vjeçe (Vajza e Besimit)
6- Ledjon Zykaj, 6-vjeç (Djali i Besimit)
7- Azem Zykaj (Djali i Demirit)
8- Afërdita Zykaj (Gruaja e Azemit)
Ritvan Zykaj akuzohet për “vrasje në rrethana cilësuese të dy ose më shumë personave”, si edhe për “armëmbajtje pa leje”.
Hetimet e fundit kanë zbuluar se Ritvan Zykaj e kishte paralajmëruar krimin e rëndë në fshatin Resulaj të Vlorës. Nga dëshmitë e dhëna në Prokurori, rezulton se 24-vjeçari shpesh ju kishte thënë të afërmve “do t’ju bëj hatanë, ndaj mos më bini në qafë”.
https://tiranatoday.com/24-vjecari-e-kishte-paralajmeruar-tragjedine-e-selenices-do-tju-beje-hatane/
Gjatë mbërritjes së 24-vjeçarit në gjykatë, pjesëtarë të familjes Hoxhallari, një tjetër krim i rëndë i ndodhur në Vlorë, ku nusja vrau bashkëshortin e vjehrrën, kanë kërkuar dënim me vdekje për kriminelët, teksa mbajnë në duar foto të Zykajt dhe Hysnie Hoxhallarit e Kasëm Pirjasi, këta të fundit akuzohen për vrasjen e Salkie dhe Olsi Hoxhallari, nënë e bir.
