Një punonjës policie në Sarandë ka humbur jetën mëngjesin e sotëm, teksa po dilte për në punë.
Mësohet nga BalkanWeb se viktima është Zenel Zeneli, 50 vjeç, oficer i policisë me shërbim në sallën operative në Komisariatin e Policisë, në Sarandë, i cili ka humbur jetën në rrethana ende të paqarta.
Sipas informacioneve paraprake, oficeri ka humbur jetën teksa ndodhej në hyrjen e jashtme të pallatit ku banonte, në rrugën e pestë teksa po dilte për në punë.
Dyshohet se 50-vjeçari të ketë pësuar një atak kardiak. Ndërkohë, policia ka shkuar në vendngjarje, ndërsa trupi është dërguar në morg për t’iu nënshtruar ekspertizës mjeko-ligjore.
