Pas heshtjes së pushimeve verore, opozita pritet të kthehet fuqishëm, duke synuar dobësimin e pushtetit të Ramës. Me nisjen e sesionit të ri parlamentar, politika pritet të kthejë në vëmendje çështje që kanë mbetur pezull.
Paralajmërimet i ka dhënë Petrit Vasili, duke nënvizuar se në Shqipëri, mosbindja civile nuk duhet të ndalet.
Sikundër është trumbetuar edhe më herët, motivet për protesta janë të shumta, dhe nisin që nga çështja e Teatrit Kombëtar, një çështje të cilën e ceku edhe sot kryebashkiku Veliaj, e deri te koncesionet, droga dhe korrupsioni qeveritar.
https://tiranatoday.com/veliaj-zgjat-doren-per-paqe-mos-i-hidhni-benzine-zjarrit-nuk-dua-lufte-ne-shtator/
Duke marrë si shembull protestat në Itali kundër koncesioneve, kreu i grupit parlamentar të LSI-së, Petrit Vasili, shkruante dje se reagimi popullor ndaj kësaj qeveria është më e pakta që mund të bëjnë shqiptarët.
Kur Kuvendi ti kthehet punës, në fokus do të jenë mjaft çështje me rëndësi. Së pari, një çështje që vlon është ajo e Reformës në Drejtësi. Këtu kemi dy palë që ndajnë qëndrime të ndryshme. Është mazhoranca e cila e cilëson të suksesshme reformën, pasi ka larguar disa gjyqtarë që kanë pasur probleme me pasurinë. E ndërsa opozita ndan qëndrim tjetër.
