Javës tjetër ndryshohet ora. “Ora diellore” do të hyjë në fuqi natën mes të shtunës së datës 27 dhe të dielës së 28 datës tetor. Në orën 3:00, akrepat e orës duhet të s’postohen një orë prapa, pra duhet të shënojnë orën 2:00.
“Ora diellore” do të qëndrojë në fuqi deri në javën e fundit të marsit 2019.
Ndërkaq, në Komisionin Evropian është hapur një debat për të braktisur këtë sistem. Sipas KE duhet lënë në fuqi sistemi i pandryshuar i orës. Në këtë mënyrë i lënë mundësi shteteve të adoptojnë kë orë të duan. Propozimi ka ardhur nga Presidenti Jean-Claude Juncker dhe nëse pranohet, do të ndryshojë zakonet tona.
Arsyeja e ndryshimit të orës çdo vit në të gjithë botën ndodh që njerëzit të përdorin më pak energjinë elektrike dhe të shfrytëzojnë më shumë energjinë diellore.
Nga ana tjetër, për të gjithë gjumashët ky është një lajm i mirë. Ata do të kenë mundësi të flenë një orë më shumë./TIRANA TODAY/
