Në të gjithë botën, ky sezon veror nuk do të jetë si ato që kemi lënë pas. Jeta ka marrë një tjetër rrjedhë, dhe të gjithë duhet ti përshtatemi rrjedhës prej pandemisë.
Koronavirusi na detyron të ruajmë higjenën e po kështu të respektojmë distancimin fizik. Një ndër temat që gëlon gjatë ditëve të fundit, lidhet me plazhin. Duke iu referuar plazhit, doktor Pëllumb Pipero tha se rëra dhe uji i detit janë pozitive, sepse luftojnë infeksionet.
“Uji i detit pastron lëkurën dhe rrugët e frymëmarrjes. Forcon mekanizmat mbrojtës, u bën masazh muskujve dhe u kthen fortësinë, gjithashtu ndikon pozitivisht për hundën dhe fytin”, shpjegon Pipero.
