Kryebashkiaku Erion Veliaj, e ka bërë publike me herët se prioriteti i tij është kandidimi për një mandat të dytë në krye të Bashkisë së Tiranës. Nëse qytetarët ende nuk dinin dëshirën e tij, ai e bëri mjaft të qartë në një emision pak ditë më parë, se nuk kishte ndërmend që ta lëshonte postin.
I ftuar në emisionin “Pushime on Top”, kryetari i Bashkisë së Tiranë, Erion Veliaj, ka treguar planet e ardhshme në politikë, si dhe raportin me Edi Ramën. Po kështu ai pohoi në mënyrë të prerë se do të jetë kandidat për një mandat të dytë, për të drejtuar kryeqytetin shqiptar.
“Për vitin tjetër patjetër, edhe unë do t’i nënshtrohem një gjykimi të Partisë Socialiste. Unë kandidoj me atë uniform, me atë bluzë. Dëshira është për të çuar punët përpara”, tha Erion Veliaj.
Po kështu, Veliaj nuk nguroi që ti thurte elozhe kryeministrit Rama, se ai po i bën siç duhet punët. Në këtë formë, ai u ‘dorëzua’, duke thënë se ambicia e tij e vetme mbetej Bashkia.
“Së pari unë nuk e kam këtë ambicie, jam komplet i përfshirë nga Tirana. Kemi një kryeministër që po e qan këtë punë. Padiskutim që Edi Rama do të hyjë në histori si kryeministri më i mirë që Shqipëria ka pasur që nga shpallja e pavarësisë, nëse shikojmë sa gjurmë ka lënë dhe shikojmë si e ka transformuar…”, tha ndër të tjera Erion Veliaj, në “Pushime on Top”.
Ky detaj nuk i ka shpëtuar Bujar Kapexhiut, i cili në karikaturën e tij flet shumë.
