Puntata e radhës në ‘Përputhen’ ka përfunduar me sherre dhe me largim nga studio të djemve dhe vajzave që kanë shkuar për të gjetur dashurinë. Gjithçka nisi pas një debati me tone të larta mes Shqipes dhe Teas. Shkak janë bërë deklaratat e Shqipes për Gracianon, i cili ka deklaruar se është biseksual.
Shqipja është irrituar nga takimi i Teas me Gracianon, ku shpërtheu keq në ofendime në mes të studios. Një moment iu drejtua Teas duke i thënë: “Të ka bërë keq baloni më duket”. Kjo deklaratë ka bërë që Tea të largohet nga emisioni, dhe shumë konkurrentë të tjerë i kanë shkuar pas.
Moderatorja e emisionit Bora Zemani u përball me një situatë të paparashikuar, ndërsa shumica e konkurrentëve ishin të mbështetje të Teas.
Kjo e fundit, pasi u rikthye në studio tha se do të prishte marrëveshjen që kishte me produksionin, pasi nuk mund të toleronte më sjellje të pahijshme nga ana e Shqipes.
Ajo tha se do të qëndronte edhe puntatën tjetër, për shkak të xhirimeve më herët të takimit të saj, dhe më tej do të tërhiqej.
