Kryetari i Kuvendit, Gramoz Ruçi, ka përjashtuar deputetin Adriatik Alimadhi nga seanca plenare. Tensionet janë ngritur, ndërsa mes palëve ka patur një përplasje.
“Je fatkeq për identitetin që ke. Po të jap vërejtje, do të përjashtoj nga seanca. Atëherë je i përjashtuar nga seanca. Dy minuta pushim, shërbimet e Kuvendit ta nxjerrin përjashta. Nëqoftëse nuk del do i kërkoj sekretariatit 10 ditë përjashtim”, deklaroi Ruçi.
Alimadhi ka vazhduar të flasë në foltore, dhe më pas deputetët e opozitës së re janë afruar që të bindin Alimadhin të largohet nga foltorja.
Ruçi ka vijuar duke i thënë Alimadhit: “O trim, largohu nga foltorja o trim, se është shekulli i mendjes, jo i forcës”.
Më tej seanca është ndërprerë dhe pritet të rinisë në orën 12:45.
