Fitorja e Zvicrës u festua jo vetëm nga sportdashësit dhe tifozët zviceran, por dhe nga shqiptarët anë e mbanë, ku dhe në Kosovë nuk munguan urimet dhe nga krerët e shtetit.
Zvicra fitoi me rezultatin 3-2 kundër Serbisë, duke e lënë këtë të fundit jashtë Kupës së Botës. Të gjithë shqiptarët kanë shpërthyer fishekzjarret për dy futbollistët që u kthyen në protagonistët e ndeshjes, Xherdan Shaqiri dhe Granit Xhaka.
Por pas ndeshjes, fitorja është festuar edhe në rrugët e Zvicrës. Mes festës gjithashtu ka pasur edhe momente tensioni.
Një video e publikuar nga mediat serbe tregon disa skena dhune që janë regjistruar në Zyrih, pas përballjes së Zvicrës me Serbinë. Sipas Kurir, një grup shqiptarësh kanë ndjekur një të ri që ishte mbështjellë me flamurin serb dhe e kanë rrahur.
