Ditën e djeshme, gazeta gjermane Bild ka publikuar 16 përgjime të reja nga dosja 184, ku dëgjoheshin ndër të tjera biseda për blerjen e votave, vlera e të cilave varionte nga 3000 deri në 5000 lekë.
Sigurisht përgjimet kanë bërë bujë në çdo familje, e cila ka diskutuar fenomenin e shit-blerjes së votave. Pas publikimit të përgjimeve, komentet kanë qenë nga më të ndryshmet, ndërsa nuk kanë munguar as gallatat.
Një familje gjirokastrite ka bërë llogaritë për shumën që do të merrte në rast se do të shiste votat.
Duke llogaritur zgjedhjet lokale dhe zgjedhjet parlamentare, rezulton se vetëm me lekët e mbledhura pas shitjes së votave, ata mund të bëjnë dasmën.
