E ëma e 29-vjeçarit të plagosur në Kavajë, ka thënë se djali i saj kishte dalë për tu qethur tek berberi. Ngjarja e rëndë ëshhtë shënuar rreth orës 01:00, tek ish fabrika e letrës, në Kavajë.
Mario Xhafa menjëherë pas plagosjes është dërguar drejt Spitalit të Durrësit. Bluzat e bardha konfirmojnë se i riu ndodhet jashtë rrezikut për jetën, ku raportohet se ka marrë një plumb në këmbë.
E ëma e personit të plagosur tha për ‘News 24’ se djali i saj kishte dalë nga shtëpia në mbrëmje për t’u qethur tek berberi. Ajo ka zbuluar se djali i saj nuk ka pasur probleme apo konflikte me njeri, dhe se ai nuk ishte objektivi i sulmit, por ndodhej rastësisht aty.
Si policisë, autor i dyshuar i ngjarjes është 27-vjeçari Viskont Hysi, banues në Kavajë, i cili fillimisht është larguar nga vendi i ngjarjes, por pas një ore e gjysmë ndjekje dhe kerkimesh është bërë shoqerimi i tij për në ambientet e Komisariatit të Policisë Kavajë. Nga dëshmia e tij pritet të mësohet më shumë mbi motivet e krimit.
