Një 50-vjeçar ka mbetur i plagosur me armë zjarri. Ngjarja e rëndë ka ndodhur pasditen e sotme në Maqellarë të Dibrës.
Sipas informacioneve paraprake, mësohet se 50-vjeçari i identifikuar si Faik Zeqja, ka marrë një plumb në këmbë.
Ai është dërguar në spital për të marrë ndihmën e nevojshme mjekësore, ndërkohë që ende nuk dihen rrethanat e ngjarjes.
“Rreth orës 18.00, në vendin e quajtur “Kthesa e Majtarës”, njësia administrative Maqellarë, në rrethana ende të pa qarta dyshohet se është plagosur në pjesën e këmbës shtetasi F. Z., rreth 51 vjeç, i cili po merr ndihmë mjekësore në spital jashtë rrezikut për jetën.”, informon policia.
Grupi hetimor ndodhet në vendin e ngjarjes ku vijon puna për zbardhjen dhe dokumentin e plotë të rrethanave të ngjarjes.
