Mbrëmjen e sotme është plagosur një person me armë zjarri. Ngjarja ka ndodhur në lagjen ‘5 maji’ në qytetin e Elbasanit. I plagosur ka mbetur shtetasi Xhon Rusta 22 vjeç.
Sipas policisë i 22-vjecari është me precedentë penale të mëparshëm dhe rezulton i dënuar për plagosje me armë zjarri. Akoma nuk ka informacione nëse Rusta ishte pjesë e ndonjë grupi kriminal. Kujtojmë se ka pasur disa diklarata të politikanëve të ndryshëm se Elbasani kontrollohet nga bandat kriminale.
Nuk dihen ende shkaqet dhe motivet e plagosjes së 22-vjecarit, i cili është transportuar në spital dhe ndodhet jashtë rrezikut për jetën.
Policia ka ngritur pika kontrolli në hyrje dhe dalje të Elbasanit për të bërë të mundur identifikimin dhe arrestimin e autorit të plagosjes.
Njoftimi i policisë:
Elbasan
Informacion paraprak
Rreth orës 18.50 ka shkuar në spital i plagosur me armë zjarri në rrethana ende të paqarta dhe ndodhet jashtë rrezikut për jetën shtetasi Xh.R 22 vjec banues në Elbasan.
Menjëherë shërbimet e policisë po punojnë për zbardhjen e rrethanave të ngjarjes, identifikimi dhe kapjen e autorit.
