Gati 1 javë nga plagosja me thikë e futbollisti shqiptar në Itali janë arrestuar 2 autorët e dyshuar. Në pranga të policisë italiane kanë rënë dy reperë, të identifikuar si Juri Margini 20 vjeç dhe Emilio Finizio 36 vjeç, pasi dyshohet se kanë plagosur me thikë në një parking në qytetin e Scandiano shqiptarin Aldi Shpijati, 21 vjeç, i cili njihet si futbollist në Itali.
21-vjeçari që luan si sulmues me ekipin e Arçetanas ndodhet në gjendje të rëndë në spitalin Maria Nuova di Reggio, ndërsa i është nënshtruar dy operacioneve.
Dy këngëtarët italianë akuzohen për veprën penale “tentativë vrasje” ndaj shqiptarit pas një sherri mes tyre për motive të dobëta.
