Në aksionin që po zhvillohet në Veri të Kosovës, në Mitrovicë, kanë mbetur të plagosur dy policë.
Mësohet se njëri nga efektivët është plagosur në dorë, ndërsa polici tjetër i lënduar, është nga Gjakova dhe është plagosur në pjesën e pasme te kofshës.
Njësitë Speciale të Policisë së Kosovës, mëngjesin e sotëm kanë ndërmarrë një aksion në katër komunat veriore të vendit me shumicë serbe.
Raportohet se janë arrestuar të paktën pesë persona, pasi dyshohet të jenë përfshirë në krim të organizuar. Operacioni ka nisur pak pas orës 05:00 të mëngjesit të së martës.
