Blutë e Tiranës bëjnë me dije se ka shkuar në 16 numri i administratorëve të shoqërive dhe kompanive të ndryshme, të cilët janë arrestuar. Kapja e tyre është realizuar falë operacionit të koduar “Informaliteti”.
Burimet zyrtare thonë se është arrestuar një tjetër administrator i një subjekti privat, për “Krijim të skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave”. Bëhet fjalë për shtetasin me inicialet D. B., 31 vjeç, banues në Shkodër.
“Vijon operacioni policor i koduar “Informaliteti”. Shkon në 16 numri i administratorëve të shoqërive dhe kompanive të ndryshme, të arrestuar.
Arrestohet një tjetër administrator i një subjekti privat për “Krijim të skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave” .
Në vijim të operacionit policor të koduar “Informaliteti”, në kuadër të cilit u ndaluan 15 shtetas, administrator në kompani dhe shoqëri biznesi, gjatë paradites së sotme nga Seksioni për Hetimin e Krimit Ekonomik e Financiar në Drejtorinë Vendore të Policisë Tiranë u ndalua një tjetër administrator i një subjekti privat i shpallur në kërkim policor konkretisht shtetasi : – D. B.,31 vjeç banues në Shkodër
Vijon puna për kapjen e personave të tjetër të shpallur në kërkim në kuadër të këtij operacioni.
Materialet procedurale ju kaluan Prokurorisë pranë Gjykatës së Shkallës së Parë, Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave” .
