Pjesa e parë/VAR “anulon” Ronaldon Al Jazira i përgjigjet me supergol (Video)

Është duke u luajtur gjysmëfinalja e dytë e Botërorit të Klubeve, ku Al Jazira është duke dominuar me rezultatin minimal 1-0 përballë Real Madrid. Ndeshja po zhvillohet në Abu Dhabi dhe ekipi që kualifikohet në fund të takimit do të përballet me Gremio në finale.

Pjesa e parë është dominuar 100% nga madrilenët por nuk kanë arritur të shënojnë,kjo edhe falë formës së lartë që është portieri Housani. Ai ka arritur të ndalë me sukses çdo tentativë të Ronaldos, Bezemas dhe Modriç të cila kanë qenë të shumta. Lojtarët e Al Jazira janë përpjekur që gjatë gjithë pjesë së parë të luajnë në mbrojtje dhe të mos pësojnë, duke përfituar për të dalë në kundërsulm në ndonjë rast që u jepet.

Pas një goli të shënuar nga Ronaldo arbitri përdor sistemin VAR, pasi lojtarët vendas po protestonin dhe pas pa pamjet filmike goli u anulua. Faza ofensive e Al Jaziras duket se është mjaft e përgatitur për ti shfrytëzuar këto kundërsulme. Është pikërisht mesfushori brazilian, Romarinho që kombinon mjaft mirë me Boussofa gjatë një kundërsulmi dhe braziliani e finalizon me sukses duke mposhtur portierin Navas. Real Madrid do të përpiqet që të përmbysë rezultatin në pjesën e dytë, mbase Zidane do të hedhë në fushë më shumë forca sulmuese për të marrë një rezultat të mirë.