Mbyllet pjesa e parë me rrjeta të paprekura në supersfidën e Serie A, për vendin e parë. Një pjesë e parë mjaft e bukur me shume raste të krijuara për gol, por që nuk janë shfrytëzuar mirë nga sulmuesit e të dy ekipeve. Napoli ka dominuar në pjesën më të madhe të lojës dhe vazhdojnë të tregojnë se janë ekipi që luajnë futbollin më të bukur në kampionatin italian. Insigne, Mertens dhe Hamshik krijojnë shumë raste para portës së Interit, por mbrojtja zikaltër është në formë mjaft të mirë dhe i neutralizojnë. Insigne kishte dy raste mjaft të pastra për të shënuar por handanovic ia ka ndaluar festën. Interi nga ana tjetër ka luajtur më i tërhequr duke e ditur nivelin e lojës që ka kundërshtari dhe ka shfrytëzuar më shumë kundërsulmet. Një rast mjaft i pastër ka qenë ai i Valeros, por Reina bën mrekullinë dhe e dërgon topin në goditje nga këndi.
Barcelona është duke përballur me Malagan dhe kanë zhbllokuar rezultatin që në minutën e 3’ me Delofeun. Por është një gol mjaft i dyshimtë. Nga pamjet mëson që topi ka dalë jashtë vijës fundore para se të pasohet në zonë nga Jordi Alba, por për arbitrin ka qenë një gol i rregullt dhe Barcelona gëzon avantazhin në këtë pjesë të parë.
