Është Interi që dominon në pjesën e parë në derbin e Milanos duke kryesuar me rezultatin 1-0, gol të shënuar nga Icardi. Atmosferë e mrekullueshme në një ‘San Siro’ të tejmbushur. Të dyja tifozeritë shpalosin në fillim të ndeshjes koreografitë përkatëse që kishin përgatitur për derbin.
Ndeshja fillon mjaft mirë djemtë e Spalletit që kontrollojnë lojën dhe tentojnë të dalin në sulm. Pas disa tentativash për Icardin, që rezultojnë jo të mira pasi mbrojtja kuqezi ishte e pakalueshme dhe kishte mbuluar mirë çdo sulmues. Një kombinim mjaft i bukur mes Valeros dhe Candrevas, nxjerr këtë të fundit para zonës së Donnarummës me një hapësirë të vigël ku italiani godet me të djathtën dhe topi prek traversën. Milan përpiqet të reagojë me Suso e Silvan, por dyshja Skrinar-Miranda janë një mur i vërtetë në këtë pjesë të parë. Në minutën e 28’ një top i fituar mjeshtërisht nga Valero, kalon në këmbët e Dambrosio i cili nis menjëherë Candrevan në krah. Ky i fundit sheh shkëputjen e Icardit dhe hedh një top të ulët në zonë, ku argjentinasit i mjafton një devijim i lehtë për ta dërguar në rrjetë. Inter në avantazh dhe Milanpërpiqet të organizohet, por pa sukses pasi janë sërish zikaltërit që rrezikojnë më shumë për të shënuar me Perisic, por Mussachio e bllokon atë goditje që mund të dyfishonte rezultatin.
Goli i Mauro Icardit:
