Deputeti i Partisë Socialiste, Pjerin Ndreu, e konsideron çështjen ndaj ish-ministrit të Brendshëm, Sajmir Tahiri si një gjyq politik të pastër. I cilësoi si të paaftë prokurorët e pranishëm në mbledhjen e Këshillit të Mandateve, pasi sipas tij i bazonin hetimin e tyre në thashetheme e fjalë dhe jo në prova të vërteta, por Ndreu tha se Hajdarmataj është prokuror i mirë dhe profesionist. Ai shprehu se Hajdarmataj ka qenë i detyruar nga politika të bëjë kërkesë për arrestim.
Ndreu: Prokuroria dje demonstroi paaftësi spektakolare. Nis hetime mbi thashetheme, jo në baza me prova të vërteta. Prokurori nën-nivel mesatar, nuk mund të shkojnë të kërkojnë arrestimin e një personi të atij lloji si është Tahiri. Mos u merrni me fjalë, ky më tha, ai më tha. Gjej prova konkrete. Hajdarmataj është prokuror i mirë dhe profesionist, por ka qenë i detyruar nga politika të bëjë kërkesë për arrestim.
Pati një indicje politike si pasojë e disa përgjimeve që ishin bërë. Ne i lamë hapësirat e nevojshme prokurorisë të ishte e qetë, pa asnjë mbrojtje politike nga ne që të zhvillonte hetimet. Nxitimi i prokurorisë për të dalë në urdhër-arresti dhe deklarimi i saj në komision se kjo është bërë si shkak i disa të dhënave nga media, e ndërlikon situatën. Është normale të ketë indicje dhe të fillojë hetimet, por nuk bëri asnjë hap. Mori të dhënat e një dosje dhe kërkoi urdhër-arresti. Vetë prokuroria italiane e ka të drejtën të lëshojë urdhër-arrestin. Nëse prokuroria italiane do kishte prova të plota për ta akuzuar Tahirin, do e bënte ajo, por nuk bëri gjë. E bënë këta tanët.”
