Hetuesit mund të kenë një pistë të re për ngjarjen e ndodhur dje. Sipas Top Channel, një nga pistat ku hetuesit janë fokusuar është që shenjestra e atentatit mund të ketë qenë Landi Muharremi.
Megjithëse pista kryesore e hetimit mbetet antentati me shënjestër Ndojën, hetuesit nuk përjashtojnë as pistën që Muharremi mund të ketë qenë objektivi i synuar.
Sipas Top Channel, kjo histori mund të ketë Muharremin në fokus, për shkak të luftës që po zhvillohet për kontrollin e Kadastrës së Durrësit dhe konfliktit të pronave në Gjirin e Lalzit.
Nga ana tjetër, prokurori Ndoja në dëshminë e tij ka mohur të ketë qënë shënjestra në këtë ngjarje.
Muharremi, i njohur ndryshe edhe si Aleksandër Laho, njihet si person problematik dhe ka qenë i përfshirë në disa ngjarje. Ai u ndalua dy vite më parë edhe si i përfshirë në rrahjen që iu bë biznesmenit libanez, Faad Mitri.
Ai është akuzuar edhe për dhunë ndaj një avokati dhe për disa ngjarje të tjera në qytetin bregdetar.
