Një sasi e madhe droge ka rënë në duart e policisë greke, teksa është kapur në kufi me Shqipërinë. Operacioni u zhvillua në Neohori, Janinë në kufirin e gjelbër, ku një grup personash transportonin çanta me drogë në krahë.
Pas ndërhyrjes së policisë është kapur vetëm një 17-vjeçar shqiptar, ndërsa personat e tjerë janë larguar me vrap duke hyrë në tokën shqiptare.
Ata hodhën në tokë çantat që përmbanin 94 pako me 164 kg 600 gram marijuanë dhe 158 fishekë Kallashnikovi.
Prej 20 janarit e deri sot, në Igumenicë, Janinë, Athinë, Selanik e kryesisht në zonën Kostur-Follorine, policia greke ka sekuestruar 2.6 ton marijuanë që vinte nga Shqipëria.
