Pas vdekjes se turistes ruse në Ksamil, policia kufitare ka bllokuar lundrimin e çdo mjeti ujor.
Pas bllokimit, ka ardhur reagimi i pronarëve të subjekteve të licencuara të mjeteve ujore, të cilët kanë protestuar sot në plazhin e Durrësit.
Ata e konsiderojnë si të padrejtë bllokimin e lundrimit për aq kohë sa kanë një licencë, teksa pretendojnë se kanë marrë paralajmërime të prera nga policia kufitare, ndonëse jo me shkrim, ku u bëhet e qartë se në rast të nxjerrjes së mjeteve në det, do të gjobiten.
Gjithashtu, protestuesit kërkuan që të anulohet ky vendim dhe të nisë aktiviteti që u është bllokuar prej dy javësh.
