Në një dalje për mediat ditën e djeshme pas kaq kohësh mungesë, ish-kryeministri Sali Berisha foli për vendimin e opozitës, për të mos bllokuar zgjedhjet dhe një sërë çështjesh të tjera të aktualitetit.
“Atë e bëri shumë mirë (tërheqjen). Opozita bëri një tërheqje, por ishte shumë mirë. Bëri përpjekje të jashtëzakonshme për të demaskuar farsën elektorale. Më tutje nuk mund të shtynte. Liria ime përfundon aty ku fillon liria e tjetrit”, u shpreh Berisha.
I pyetur për procedurat e zgjedhjes së Presidentit, Berisha refuzoi të komentonte. Ai shtoi se shqiptarët nuk e hanë sapunin për djathë.
Lidhur me këtë reagim, zëvendësministri i Mbrojtjes, Petro Koçi, ka ironizuar ish-kryeministrin Sali Berisha.
“Sali, shqiptarët vërtet nuk e hanë sapunin për djathë. Por edhe djathin nuk e përdorin si sapun për tu larë!”, shkruan Petro Koçi, në rrjetin social Facebook.
