Një grua nga Gjermania është sulmuar nga peshkaqeni derisa ajo ishte zhytur në Detin e Kuq, teksa kamera filmoi momentin kur dhëmbët e mprehtë të peshkaqenit iu ngulën në kraharor.
Ajo u shpëtua nga instruktori i cili detyroi peshkaqenin të largohet, derisa zhytësit e tjerë me shpejtësi dolën mbi sipërfaqen e ujit.
Ajo ka pësuar një plagë të thellë në kraharor dhe menjëherë pas dërgimit në spital, i është nënshtruar një ndërhyrjeje kirurgjikale.
Ekspertët thonë se ishin pikërisht rrobat speciale të trasha për zhytje që e shpëtuan nga lëndimet edhe më serioze.
“Jam e lodhur, por e lumtur që gjithçka ka përfunduar mirë. Jam gjallë, ende më kujtohet gjithçka, madje aq shumë – sa që të jem falënderuese që jam gjallë”, ka thënë ajo.
